Pravda og Pétur Tyrfingsson

 

Pétur Tyrfingsson fer mikinn á bloggi sínu í dag þar sem hann hafi orðið fyrir því sem hann kallar "býsna frekt og heldur ósvífið" en lætur þess þó getið að undanfari þess hafi verið það sem hann nefnir "óþokkabragð" hjá sjálfum sér...

Þannig er mál með vexti að hann tók uppá því á sinni síðu að fara inní mín komment og breyta þeim og skrifa ný í mínu nafni þar sem hann mærði sjálfan sig og sína snilli í besta Pravda-stíl.
Mér datt í hug að prófa hvort að honum þætti það jafn sniðugt ef hann sjálfur yrði fyrir því að honum væru lögð orð í munn.
Ég hef ekki verið að krefja hann um eitt eða neitt annað en það að hann reyni að vera ögn heiðarlegur. Sá maður sem er/hefur verið í Samfylkingunni og meira að segja í prófkjöri þar álít ég að sé úlfur í sauðagæru þegar hann segir ekki hreint út að hann sé sannfærður marxisti/kommúnisti/trotskyisti eða hvað það heitir. Hann bar fyrir sig peningaleysi í prófkjörinu þ.e. að hann hefði ekki efni á að kynna sig en neitaði þó þráspurður á sínu eigin öldungis ókeypis bloggi að skýra pólitíska afstöðu sína. Heldur en að svara því þá þurrkaði hann út mín komment.

Ef hann ekki þolir þá gagnrýni þó sjálfur sé hann stórorður og orðljótur í annarra garð þá væri nú heiðarlegast af honum að útiloka mig (sem hann hefur reyndar gert núna) í stað þess að vera að falsa innlegg í annarra nafni.

Hver getur nú trúað því að þau komment sem eru inná hans síðu séu ekta? Er ekki jafn líklegt að hann sjálfur hafi baukað við að skrifa þau á síðkvöldum? Þetta virðist vera sú ættarfylgja kommúnista sem þeim gengur illa að losna við þ.e. að láta sig sannleikan litlu skipta. Tilgangurinn helgar ávallt meðalið í þeirra augum eins og dæmin hafa sannað í nær 100 ár.


Rosalega fyndið!

Það mætti halda að Davíð Oddsson sjálfur hafi skrifað þessa frétt fyrir utan alla þá fyndni sem höfð er eftir honum sjálfum. Hugsa sér!! Læst hurð í bakhúsi!!LoL HO HO HO HO HO HO HO HO HO HO HO HO HO HO HO HO HO HO HO HO HO HO HO HO HO HO

 HO HO HO HO HO HO HO HO HO HO HO HO HO HO HO HO HO HO HO HO HO HO HO HO HO!! Ég verð ekki eldri


mbl.is Gleymdu að opna bakhýsið
Tilkynna um óviðeigandi tengingu við frétt

Ójá, er það svo?

Ég væri trúlega alveg jafn hrifinn af þessu og flestir aðrir ef að ég ekki hefði heyrt og séð þessa frétt fyrir um það bil 10 árum. Þá var líka ráðherra og gott ef ekki forseti líka staddir við athöfn þegar vetnisbílum var hleypt af stokkunum og aðstandendur lýstu því fjálglega yfir að innan örfárra ára yrði bæði bíla- og skipafloti Íslands knúinn með vetni og öll olíukaup væru úr sögunni. Ekki var að heyra að nein ljón væru í veginum, bara að einhenda sér í þetta.

Það var skrifað um þetta hér í sænskum blöðum og var ég að sjálfsögðu mjög rogginn og upp með mér yfir snilld minnar þjóðar og benti óspart Svíum á að lesa þessar fréttir. Síðan þá hef ég neyðst til að fara undan á flæmingi þegar ég er inntur eftir því hvort þetta hafi ekki allt gengið eftir og Ísland þar af leiðandi hætt að flytja inn olíu.

Ég hef verið að reyna að spyrja umhverfisfrömuði og tæknimenn á Íslandi á hverju standi og orðið fátt um svör en mér hefur skilist að það sé langt frá því að menn hafi leyst tæknileg vandamál og kostnaðarspursmál í sambandi við notkun vetnisbíla.

Þið megið ekki misskilja mig á þann veg að mér finnist þetta framtak ekki jákvætt. Mikil ósköp. Ég er bara að biðja um að menn séu raunsæir og gleymi sér ekki í glaðhlakkalegri bjartsýni yfir hlutum sem kannske ekki eru svo einfaldir og kannske sýna sig ekki gerlegir heldur. Og líka fer dáldið í taugarnar á mér að sjá ráðherra og forseta vera að baða sig í kastljósinu og láta mynda sig í bak og fyrir rétt eins og þeir séu sjálfir upphafsmenn og frumkvöðlar að einhverri tærri snilld.

Af einhverjum ástæðum varð alla vega ekkert úr þeim áformum fyrir 10 árum að vetnisvæða bæði bíla og skip þó bæði stjórnvöld og aðrir sem komu að þessu fullyrtu að það myndi verða gert á næstu 5 árum.

Ég vona að í ljósi þess sem ég hef skrifað hér að ofan að mér leyfist að vera dálítið skeptískur og ekki nálægt því eins upprifinn og fyrir 10 árum. Ég hef t.d. hugsað mér að halda þessari frétt algjörlega leyndri fyrir sænskum vinnufélögum mínum...


mbl.is Ráðherra afhenti 10 vetnisrafbíla
Tilkynna um óviðeigandi tengingu við frétt

Dæmalaust lélegt!

Dæmalaust lélegur fulltrúi Íslands. Ekki datt honum í hug að lyfta fram spurningunni hvort Íslendingum beri að borga þetta. Bara jarmur um að við eigum og ætlum að borga og von um að lýðurinn beygi sig og samþykki.

Að mínu áliti getur það aldrei verið rétt að almenningur eigi að greiða úr eigin vasa fyrir afglöp einkafyrirtækis.

Var einhver að tala um að "kynna málstað okkar erlendis"? Þetta viðtal hefði betur verið óbirt. Það skemmir fyrir málstað Íslendinga.


mbl.is Sænska sjónvarpið fjallar um Icesave
Tilkynna um óviðeigandi tengingu við frétt

Er þetta löglegt?

Hér er þess getið að lífeyrissjóðirnir hafi látið peninga í einkaframkvæmd og það ekki neinn smáhlut heldur 60% = 600 milljónir króna. Mín spurning er hvort þetta sé gætileg meðferð á fé okkar lífeyrissjóðseigenda. Hver er tryggingin fyrir því að við fáum þessa peninga til baka? Getur ekki þetta byggingafyrirtæki farið á hausinn eins og hvert annað fyrirtæki? Hvaða tryggingu og hvaða ávöxtun var samið um í þessu dæmi?


mbl.is Lífeyrissjóðir lögðu til fjármagn í framkvæmdir
Tilkynna um óviðeigandi tengingu við frétt

Í boði lífeyrissjóðanna

Ríkisstjórnin ætlar greinilega að framkvæma mikið en það gleymist að geta þess hver á borga nema það að Jóhanna treystir því "að eiga gott samstarf við lífeyrissjóðina..."

Það er augljóst að það á að henda peningum okkar lífeyrissjóðseigenda í þessa atvinnubótavinnu. Hvernig verða þeir peningar tryggðir? Hver verður ávöxtun þeirra? Hingað til hefur það ekki skilað neinum hagnaði að byggja og reka sjúkrahús... 


mbl.is Nýr Landspítali mun rísa
Tilkynna um óviðeigandi tengingu við frétt

Hið verst mál!!!

Nei það á greinilega ekki að spyrja eigendur þessara pening álits. Það stendur að vísu að "....Það er síðan á valdi stjórnar hvers lífeyrissjóðs að ræða málið í eigin ranni...". Hvað "rannur" þetta er kemur ekki fram. Og síðan kemur þetta: "Fjárfestingasjóður Íslands mun ekki taka þátt í fjárfestingum sem orka tvímælis út frá almennum siðareglum. Sjóðurinn mun viðhafa góða stjórnunarhætti og sýna samfélagslega ábyrgð og ábyrgð í umhverfismálum í starfi sínu." Ekki orð um það að þetta eigi að vera örugg fjárfesting. Ég hélt satt að segja að fremsta og eina skylda lífeyrissjóðanna væri að ávaxta peningana okkar sem hafa greitt 15% af launum okkar í áratugi en það viðhorf virðist ekki eiga uppá pallborðið hjá þeim sem sitja við stjórnvölinn.

LOKSINS!

Alveg frá því að farið var að tala um að lífeyrissjóðirnir eigi að fara að taka þátt í svokallaðri "uppbyggingu" á efnahag og atvinnulífi á Íslandi, í sambandi við Stöðugleikasáttmálan, hef ég verið að reyna að vekja athygli á því hvað mér sýnist um að vera við heldur dræmar undirtektir.

Mér sýnist augljóst að enn og aftur eigi að fara að gambla með lífeyrissjóðina og setja til hliðar það aðalhlutverk, og reyndar eina hlutverk þeirra samkvæmt lögum, sem er að ávaxta peninga okkar lífeyrissjóðseigenda á sem tryggastan hátt.

Í sáttmálanum má finna eftirfarandi:

Í grein 4. Framkvæmdir til að stuðla að aukinni atvinnu sáttmálanum stendur m.a. þetta (og hef ég strikað undir og feitletrað það sem mér þykir athyglisverðast): "Ríkisstjórnin gangi til samstarfs við lífeyrissjóði um að þeir fjármagni stórar framkvæmdir sbr. minnisblað vegna verklegra framkvæmda dags. 16.06.2009 o.fl. með sérstakri fjármögnun. Stefnt skal að því að viðræðum ríkisstjórnar og lífeyrissjóða verði lokið fyrir 1. september 2009."

Í grein 9. Málefni lífeyrissjóða stendur hins vegar: "Að óbreyttu hvílir sú lagaskylda á sjóðunum að endurskoða fjármögnun þeirra og/eða skerða réttindi sjóðsfélaga. Aðilar eru sammála um að gera ráðstafanir til að unnt sé að fresta slíkum ákvörðunum að sinni á meðan unnið er að heildarendurskoðun."

Þetta verður varla skilið öðru vísi en að menn séu meðvitaðir um lagaskyldu sjóðanna en séu allir af vilja gerðir að trufla það og tefja að þeir sinni henni. Og hvenær lagaskylda er lagaskylda og hvenær hún "hvílir að óbreyttu" þætti mér fróðlegt að vita og hver munurinn er á lagaskyldu og "lagaskyldu að óbreyttu". Þetta þykir mér vægast sagt heldur skuggaleg áform.

Þetta hafði Arnar Sigurmundsson, formaður Landssamtaka lífeyrissjóða að segja í ávarpi á aðalfundi Landssamtakana nú í vor:

"Stjórnvöld óskuðu eftir aðkomu lífeyrissjóðanna við upphaf bankakreppunnar og fóru fram fundir forystusveitar lífeyrissjóðanna með nokkrum ráðherrum í Ráðherrabústaðnum föstudaginn 3. október og laugardaginn 4. október sl. Erindi stjórnvalda var að óska eftir því að sjóðirnir flyttu heim um 50% af erlendum eignum sínum að verðmæti á þáverandi gengi um 250 milljarðar króna. Boðað var til mjög fjölmenns fundar á vegum LL fyrr á laugardeginum áður en haldið var á fund ríkisstjórnar á nýjan leik. Sjóðirnir tóku vel í þessa málaleitan stjórnvalda að uppfylltum ákveðnum skilyrðum í ályktun. Ekki reyndi þó á þennan velvilja lífeyrissjóðanna þegar í ljós kom að morgni mánudagsins 6. október sl. að vandi fjármálafyrirtækjanna var mun meiri en reiknað hafði verið með."

Arnar og kó voru semsagt tilbúnir í -og virðist þykja leitt að hafa ekki fengið að framkvæma þennan "velvilja"- að taka heim 250 milljarða og henda þeim í bankasukkið rétt áður en allt hrundi og gengi krónunar féll með 50% sem hefði þýtt að 125 milljarðar af þessum peningum hefðu horfið á einu bretti. Og þessir sömu menn sitja enn við stjórnvölinn í lífeyrissjóðunum og virðast ekki sjá neitt athugavert við þetta heldur á að grípa það tækifæri sem gefst núna til að henda lífeyrissjóðnum okkar í atvinnubótavinnu í hagkerfi sem er hrunið og með ónýtan gjaldmiðil, sem eingöngu er hlegið að erlendis og fæst ekki einu sinni skipt.


mbl.is „Menn fara best með eigið fé“
Tilkynna um óviðeigandi tengingu við frétt

Jón og séra Jón

Ég er að spá í það að núna þegar við erum í mikilli geðshræringu yfir því sem gerðist í Borgarahreyfingunni þar sem einn flokksmaður bar það á annan að hann gengi ekki heill til skógar hvað geðið varðar, þá virðist einginn hafa brugðist illa við því á nokkurn hátt að Borghildur Guðmundsdóttir segir það fullum fetum að hennar fyrri maður sé ekki heill á geði án þess að hafa nokkuð fram að færa því til sönnunar.

Ef ásakanir/spekúleringar Margrét Tryggvadóttur voru svona skelfilegar að þess er krafist að hún segi af sér, hvað er þá hægt að segja um ummæli Borghildar?


mbl.is Mun ekki hindra Borghildi í að umgangast drengina sína
Tilkynna um óviðeigandi tengingu við frétt

Af hverju óháðir?

Skyldi engum hafa dottið í hug að eigendur þessa sjóðs þ.e. sjóðfélagar sjálfir eigi að minnsta kosti meirihluta stjórnarmanna? þegar þessir peningar hafa verið greiddir í sjóðinn samkvæmt samningum og lögum þá eru þeir eign okkar launþega og atvinnurekendum eða stéttarfélögum kemur ekki rassg... við hvað gert er með þá.
mbl.is Meira vægi óháðra fulltrúa í sjóðnum
Tilkynna um óviðeigandi tengingu við frétt

Næsta síða »

Um bloggið

Jón Bragi Sigurðsson

Höfundur

Jón Bragi Sigurðsson
Jón Bragi Sigurðsson
Er aðallega hér til þess að geta kommenterað á önnur blogg en þó er aldrei að vita nema ég skrifi hér eitthvað gáfulegt í framtíðinni ef andinn kemur yfir mig.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband