Ég væri trúlega alveg jafn hrifinn af þessu og flestir aðrir ef að ég ekki hefði heyrt og séð þessa frétt fyrir um það bil 10 árum. Þá var líka ráðherra og gott ef ekki forseti líka staddir við athöfn þegar vetnisbílum var hleypt af stokkunum og aðstandendur lýstu því fjálglega yfir að innan örfárra ára yrði bæði bíla- og skipafloti Íslands knúinn með vetni og öll olíukaup væru úr sögunni. Ekki var að heyra að nein ljón væru í veginum, bara að einhenda sér í þetta.

Það var skrifað um þetta hér í sænskum blöðum og var ég að sjálfsögðu mjög rogginn og upp með mér yfir snilld minnar þjóðar og benti óspart Svíum á að lesa þessar fréttir. Síðan þá hef ég neyðst til að fara undan á flæmingi þegar ég er inntur eftir því hvort þetta hafi ekki allt gengið eftir og Ísland þar af leiðandi hætt að flytja inn olíu.

Ég hef verið að reyna að spyrja umhverfisfrömuði og tæknimenn á Íslandi á hverju standi og orðið fátt um svör en mér hefur skilist að það sé langt frá því að menn hafi leyst tæknileg vandamál og kostnaðarspursmál í sambandi við notkun vetnisbíla.

Þið megið ekki misskilja mig á þann veg að mér finnist þetta framtak ekki jákvætt. Mikil ósköp. Ég er bara að biðja um að menn séu raunsæir og gleymi sér ekki í glaðhlakkalegri bjartsýni yfir hlutum sem kannske ekki eru svo einfaldir og kannske sýna sig ekki gerlegir heldur. Og líka fer dáldið í taugarnar á mér að sjá ráðherra og forseta vera að baða sig í kastljósinu og láta mynda sig í bak og fyrir rétt eins og þeir séu sjálfir upphafsmenn og frumkvöðlar að einhverri tærri snilld.

Af einhverjum ástæðum varð alla vega ekkert úr þeim áformum fyrir 10 árum að vetnisvæða bæði bíla og skip þó bæði stjórnvöld og aðrir sem komu að þessu fullyrtu að það myndi verða gert á næstu 5 árum.

Ég vona að í ljósi þess sem ég hef skrifað hér að ofan að mér leyfist að vera dálítið skeptískur og ekki nálægt því eins upprifinn og fyrir 10 árum. Ég hef t.d. hugsað mér að halda þessari frétt algjörlega leyndri fyrir sænskum vinnufélögum mínum...

	Ráðherra afhenti 10 vetnisrafbíla
Ábyrgðarmaður færslu Tilkynna um óviðeigandi tengingu við frétt

Hér er þess getið að lífeyrissjóðirnir hafi látið peninga í einkaframkvæmd og það ekki neinn smáhlut heldur 60% = 600 milljónir króna. Mín spurning er hvort þetta sé gætileg meðferð á fé okkar lífeyrissjóðseigenda. Hver er tryggingin fyrir því að við fáum þessa peninga til baka? Getur ekki þetta byggingafyrirtæki farið á hausinn eins og hvert annað fyrirtæki? Hvaða tryggingu og hvaða ávöxtun var samið um í þessu dæmi?

	Lífeyrissjóðir lögðu til fjármagn í framkvæmdir
Ábyrgðarmaður færslu Tilkynna um óviðeigandi tengingu við frétt

Nei það á greinilega ekki að spyrja eigendur þessara pening álits. Það stendur að vísu að "....Það er síðan á valdi stjórnar hvers lífeyrissjóðs að ræða málið í eigin ranni...". Hvað "rannur" þetta er kemur ekki fram. Og síðan kemur þetta: "Fjárfestingasjóður Íslands mun ekki taka þátt í fjárfestingum sem orka tvímælis út frá almennum siðareglum. Sjóðurinn mun viðhafa góða stjórnunarhætti og sýna samfélagslega ábyrgð og ábyrgð í umhverfismálum í starfi sínu." Ekki orð um það að þetta eigi að vera örugg fjárfesting. Ég hélt satt að segja að fremsta og eina skylda lífeyrissjóðanna væri að ávaxta peningana okkar sem hafa greitt 15% af launum okkar í áratugi en það viðhorf virðist ekki eiga uppá pallborðið hjá þeim sem sitja við stjórnvölinn.

Ég er að spá í það að núna þegar við erum í mikilli geðshræringu yfir því sem gerðist í Borgarahreyfingunni þar sem einn flokksmaður bar það á annan að hann gengi ekki heill til skógar hvað geðið varðar, þá virðist einginn hafa brugðist illa við því á nokkurn hátt að Borghildur Guðmundsdóttir segir það fullum fetum að hennar fyrri maður sé ekki heill á geði án þess að hafa nokkuð fram að færa því til sönnunar.

Ef ásakanir/spekúleringar Margrét Tryggvadóttur voru svona skelfilegar að þess er krafist að hún segi af sér, hvað er þá hægt að segja um ummæli Borghildar?

	Mun ekki hindra Borghildi í að umgangast drengina sína
Ábyrgðarmaður færslu Tilkynna um óviðeigandi tengingu við frétt